石一燒 (九龍城) (已結業)

本身去九龍城諗住食O字頭嗰間泰國菜，點知去到嗰陣要排成個鐘，四圍行下，見到前面有一間食石頭燒裝修幾好，睇吓個餐牌又好似幾吸引，就咁就衝咗入去試吓。男店員服務態度非常好，佢介紹我食牛同豬，佢話係西班牙食像果嘅黑毛豬。本身驚啲豬會好肥，點知嚟到嘅時候，真係一流。牛小排嘅油脂分布亦都非常之靚。我哋嫌唔夠喉仲嗌多個羊西冷，但比起前面兩個，羊就差少少。反而甜品令到我有少少驚喜，因為甜品雪糕係比較日式風味。我地坐左2個幾鐘都無催我地埋單，如果傾計慢慢食，絕對可以一試。