影片
更多
2018-08-22
47 瀏覽
個一日係朋友ge生日，我地本身個日日頭有事要做，所以想係附近搵一間睇落好食又有格調ge餐廳同佢慶生。因為本身朋友好中意食牛排，行過見到呢間餐廳嘅燈光偏暗，而且入面裝修都幾有情調，最後就簡左呢間餐廳食。我地每人叫左一個肉類嘅套餐，我叫嘅係七成熟安格斯西冷排配薯條，男朋友叫嘅係五成熟安格斯肉眼排配薯仔。最先到嘅係餐湯同餐包，餐湯十分香，飲起上黎就不過不失。飲品叫左一杯fruit punch，飲起上黎有D似係酒吧飲野嘅feel。終於等到個主菜！就係期待左好耐嘅西冷排。果然冇令我失望，西冷排一咬肉汁就出哂黎，仲要十分厚肉！配上磨菇汁完全唔會蓋過肉汁嘅味道～今次食呢間餐廳俾到好好嘅回憶我地，一黎餐廳環境好有格調，係好適合慶生或者情侶食飯嘅地方，二黎店員都好友善，服務態度好好。有機會都想再黎呢度食飯～
因為本身朋友好中意食牛排，行過見到呢間餐廳嘅燈光偏暗，而且入面裝修都幾有情調，最後就簡左呢間餐廳食。
我地每人叫左一個肉類嘅套餐，我叫嘅係七成熟安格斯西冷排配薯條，男朋友叫嘅係五成熟安格斯肉眼排配薯仔。
最先到嘅係餐湯同餐包，餐湯十分香，飲起上黎就不過不失。
飲品叫左一杯fruit punch，飲起上黎有D似係酒吧飲野嘅feel。
終於等到個主菜！就係期待左好耐嘅西冷排。果然冇令我失望，西冷排一咬肉汁就出哂黎，仲要十分厚肉！配上磨菇汁完全唔會蓋過肉汁嘅味道～
今次食呢間餐廳俾到好好嘅回憶我地，一黎餐廳環境好有格調，係好適合慶生或者情侶食飯嘅地方，二黎店員都好友善，服務態度好好。
有機會都想再黎呢度食飯～
張貼
