川粵一家 (已結業)

同老公係天一發現依間新米線，膽粗粗地入去試下新野，當時仲係試業咋，依家已經正式開業，唔試還可，一試就愛上，寫到好似有啲誇😂 講返米線，我至愛係雞扒麻辣米線，雞扒係秘製，煎香，唔會鞋，但我覺得比起試業食已經差左啲，試業會分碟上，依家放埋一齊，煎/炸得較香脆黃金，可以考慮分返碟上啦。至於麻辣湯底，超好飲，好香既花辣味，又濃郁，米線軟硬適中，老公仲嫌小米線。老闆娘會好細心介紹秘製辣油同菜莆，食得辣嘅兩樣都係必試！至於唔食得辣嘅我會推介牛腩麵係用坑腩(唔知係唔係一定係坑腩呢🤔)，湯底亦好有牛肉味！天水圍既朋友不妨去試下啦，支持下啲小店㗎嘛！