大戶屋 (已結業)

因為成日好多人排隊，好耐無去大戶屋啦。今晚好彩排佐２０分鐘就有得食啦。黑醋雞肉野菜定食 : 黑醋好香，酸味啱啱好。 炸雞肉及野菜配合黑醋，味道好夾、好開胃。簡簡單單但真係好食都無朋友。 色香味俱全， 同餐牌張相有九成以上相似。係老公的必選。另外，椰菜絲混合芝蔴及酸味的沙律醬。味道清新，令我好懷念東京高島屋果間出名的炸豬扒餐廳。佢哋的椰菜絲混合西柚沙律汁，真係太好味。所以，毎次我必定追加椰菜，免費㗎。鹽湯雞肉鍋定食 : 清甜的鹽味湯底配合多款雜菜及豆腐，清清哋。最啱啲怕肥人士。美中不足係啲雞吾夠滑。山芋蓉豆腐冷盤 : 豆腐好香，山芋蓉（即係新鮮淮山）加納豆，生蛋及豆。就咁食，有啲怪怪哋因為無嘜味及質地粘粘哋。最好係加豉油及飯就好味好多。大戶屋最好係啲飯的定食可以免費無限加飯，最啱啲大食人士。