茶木‧台式休閒餐廳 (T Town South)

營業中

休息中

忽然發現T Town 有新開嘅茶木餐廳，好想去試吓，終於晚上有時間出去食飯，等位都唔少人，好彩等左一陣就有位。環境好舒服，坐得一啲都唔迫。我哋叫左紅燒牛肉麵、黑醋味冧豬軟骨配珍珠飯、路邊攤小食。份量好足夠，男士都覺得好夠食，上菜速度快。紅燒牛肉麵（$88）- 牛肉煮得好鬆軟嫩滑，輕輕咬落去已可咬開，食到肉汁及牛肉味。黑醋味冧豬軟骨（$82）- 豬軟骨煮得好冧，有啲似牛筋咁冧，仲好細心有個爐煮住，保持熱度。路邊攤小食（$68）- 呢個係小食拼盤，有鹽酥鷄、炸福丸（包心魚丸）及台灣香腸，估唔到咁好食⋯⋯如果可以配飯仲好餐牌上甜品好吸引，特飲都好靚，可惜今晩食得太飽了，期待😚下次可以再試下。