稻成京川滬 (新都會廣場)

營業中

休息中

尋日同家人食生日飯，又要泊車方便又要搵圓檯，終於搵到呢間餐廳。記得幾年前喺圓方食過印象都唔錯，幾年之後試呢間分店估唔到水準一樣咁高。食物推介佢個口水雞真係好香，香味好有層次，基本上係必點嘅頭盤；炸臭豆腐咁邪惡嘅小食竟然喺度有得食， 人多就叫碟嚟試吓，香脆可口又唔會太油；再叫埋另一邪惡小食-黃金炸魚皮，價錢唔貴細細碟一人一舊剛剛好。主菜叫咗片皮鴨，皮脆肉香份量都多8-10人食都夠 ; 另外仲叫左辣子雞都炒得好香，其他推介食物仲有川味涼粉，雞絲粉皮，小籠包每樣都好有水準。而酸菜魚味道較一般，螞蟻上樹過份濃味，呢兩樣就唔係太推介啦。我哋食到好飽每人都係$200價錢算合理，餐廳環境同服務都唔錯絕對有下次。不過留意返切餅費要$100就算叫甜品都無豁免。