常滿雞煲火鍋專門店 (已結業)

位於荃灣的呢間雞煲店，位置有點隱蔽，位於後巷入口，正值轉涼季節，正好食雞煲暖下身子。個招牌麻辣雞煲我地叫左小辣，基本上好食既雞煲最緊要個醬汁，呢度既醬汁夠晒濃郁，麻辣既感覺在舌尖上翻滾，由於醬汁夠味既關係，雞件全部都入晒味，加埋大蒜同洋蔥等既配料，令我越食越想食，但都越食越辣。😜由於唔好浪費個雞煲醬汁，即刻落埋本地手切肥牛一齊食，肥牛由於手切，好薄好通透，脂肪比例少，點埋個雞煲醬就正到無朋友，細細塊牛好容易食多左自己都唔覺，減肥既野都暫時將佢忘記左先啦。