栢檔極品海南雞飯 (已結業)

成日經過呢間餐廳但未有機會試，呢日想食海南雞飯即刻諗起佢，叫咗兩個一人套餐，$83唔使加一，除咗主食仲有一碟菜、雪米糍、湯或飲品，都算幾抵食，店員親切同客人有講有笑，加分～🔘極品海南雞跟白飯係雞髀同雞胸位置，熟度剛好，保持到雞肉嫩滑，店員推介將三色醬汁撈埋一齊先再點醬會更加好食，又真係喎，口感更加豐富，蠔油生菜同雪米糍就發揮正常，凍檸茶少甜都好飲~🔘極品海南雞喇沙喇沙係油麵加米粉，有豆腐卜同埋半隻蛋，大量蔥同花生碎好香口，湯底唔辣有椰香，呢度靚湯寫到明無味精，飲落味道好濃郁，飲到有陳皮味，感覺食喇沙好似會飽肚過食飯，非常豐富又幾好味，好有住家飯嘅feel，有湯有菜~ 👍👍