影片
更多
2012-08-10
26 瀏覽
呢間又係雜誌之前成日有介紹，所以就去試下啦，話晒叫得自己係第一嘅專門店，應該好有水準。晚上去到，鋪頭唔大，不過得少貓幾個，心諗竟然唔使等位真幸運。叫咗菜乾鴨腎豬骨粥 $20，同友人一人一碗。菜乾味道唔夠出（好似普通唔係煮嘢食好叻嘅人係屋企煲咁）啲粥料味道煲唔出黎咁，無咩味，留唔到人囉。我叫咗名爐鴨絲拉腸，友人本來叫招牌第一拉腸，不過佢聽到我話又有啲想試蔥花蝦米拉腸，結果佢就選擇咗叫雙拼，即係招牌第一拉腸拼蔥花蝦米拉腸。佢係即拉嘅，不過我唔明點解拉完上枱凍得咁快囉！？其他鋪頭即拉嗰啲都仲可以好夠熱架友人好可憐呀，因為我同佢都誤以為雙拼係一樣一半嘅意思（即係每個味一條腸咁呢）點知佢地嘅雙拼係將兩個味混合落一齊，可憐的友人唔食蔥，結果都迫住要食,哈哈。坦白講，我唔識分啲腸粉有無米香之類，我只在乎啲腸粉夠唔夠皮薄同夠唔夠滑，只要係又薄又滑，我就一定鐘意食。佢啲腸粉都幾薄，不過唔夠滑喎，餡料算足，不過味道唔特出，係有得比較嘅情況之下，同樣係腸粉專門店嘅堂記，較為出色好多，價錢亦較平少少，當然因為堂記嘅環境裝修比較咩都無，第一腸粉就環境裝修好好多，所以貴幾蚊係正常，不過如果要我選擇，我係選擇味道
晚上去到，鋪頭唔大，不過得少貓幾個，心諗竟然唔使等位真幸運。
叫咗菜乾鴨腎豬骨粥 $20，同友人一人一碗。菜乾味道唔夠出（好似普通唔係煮嘢食好叻嘅人係屋企煲咁）啲粥料味道煲唔出黎咁，無咩味，留唔到人囉。
我叫咗名爐鴨絲拉腸，友人本來叫招牌第一拉腸，不過佢聽到我話又有啲想試蔥花蝦米拉腸，結果佢就選擇咗叫雙拼，即係招牌第一拉腸拼蔥花蝦米拉腸。
佢係即拉嘅，不過我唔明點解拉完上枱凍得咁快囉！？其他鋪頭即拉嗰啲都仲可以好夠熱架友人好可憐呀，因為我同佢都誤以為雙拼係一樣一半嘅意思（即係每個味一條腸咁呢）點知佢地嘅雙拼係將兩個味混合落一齊，可憐的友人唔食蔥，結果都迫住要食,哈哈。坦白講，我唔識分啲腸粉有無米香之類，我只在乎啲腸粉夠唔夠皮薄同夠唔夠滑，只要係又薄又滑，我就一定鐘意食。佢啲腸粉都幾薄，不過唔夠滑喎，餡料算足，不過味道唔特出，係有得比較嘅情況之下，同樣係腸粉專門店嘅堂記，較為出色好多，價錢亦較平少少，當然因為堂記嘅環境裝修比較咩都無，第一腸粉就環境裝修好好多，所以貴幾蚊係正常，不過如果要我選擇，我係選擇味道行先囉，味道唔得，裝修幾舒服都無用啦。
佢家分店仲要係對面，好近，唔怪得之坐唔滿人啦。我真係覺得好麻麻，唔會主動要求再去囉，因為佢無嗰種令你回味想再光臨嘅感覺。係有啲失望架，話晒佢個名咁響。
張貼
