味真

營業中

休息中

如果鍾意食唔係一般韓燒嘅人一定要試吓呢一間喺沙田第一城嘅韓式燒烤。老闆係真係韓國人，職員都非常殷勤服侍，基本上係佢幫你燒晒所有嘢，呢間嘢叫「味真」。燒烤主打係豬嘅三層肉，都係腩嘅部份。職員會幫你將一塊大嘅肉切到細細粒然後燒。當然有好多唔同味嘅醬可以點，我試咗職員特別推介嘅醃製茖葱，佢酸酸甜甜鹹鹹地嘅豬肉真係超級夾。亦都有醃咗嘅蘿蔔片，夾埋都真係好好食，都係酸酸甜甜鹹鹹咁。另外都試咗佢個泡菜豬肉湯，食得辣嘅人一定超級鍾意，好惹味。韓式雞蛋羹都好好，用一個鍋仔蒸完蛋之後會變到好似食麵包咁嘅口感。最後午餐肉便當都好得意，除咗有午餐肉之外，另外亦都有好多唔同配菜，例如紫菜，泡菜，芽菜同一啲好細條嘅白飯魚，惹味得來好好食。