影片
更多
2022-11-20
26 瀏覽
朋友準備移民了，當然要去同佢食啲外國冇嘅嘢啦。佢呢度係有烤魚或者雞煲任食套餐，我哋今晚就揀咗青檸椰汁烤魚。佢個湯底好香椰子味，絕對可以喺開始之前飲返兩啖。佢哋用嘅應該係盧魚，啖啖肉，啲魚肉係比較硬身有口感啲。我哋個餐包咗個海鮮拼盤，六款海鮮其實都真係幾豐富，而佢呢度嘅龍躉片都好滑，啲蝦都好新鮮好彈牙，確實係唔錯。另外仲有個M4和牛拼盤，M4和牛好食就唔使講，想講嘅係佢個封門柳仲好食，真係好夠冧，另外個牛肩肉同牛板健都唔錯。另外呢度仲有得玩小遊戲抽下獎，佢嘅抽獎禮物會係一啲飲品食物或者係折扣。我哋就抽中咗牛小排一份，我諗佢係跟人頭嘅份量，所以就得兩片。除咗牛之外，呢度啲豬都幾好食，同樣都係好冧。呢度值得讚嘅係喺你食完個烤魚之後，你可以選擇換過湯底先至打邊爐。所以我哋就揀咗個冬瓜盅湯底。冬瓜盅湯底真係好足料，大大個冬瓜喺中間之外，仲有一啲素翅添，個湯絕對係可以用返碗之後先開始打邊爐。除咗啲火鍋配料之外，呢度仲有幾款嘅熟食同前菜俾你任食。佢啲無骨鳳爪都做得幾好，微微辣咁幾惹味。除咗自己喺手機落單之外，出邊都仲有好多丸類同菜俾你自己攞，啲選擇都唔少架。甜品方面，佢都有一啲台式甜品比你自己整，有
佢呢度係有烤魚或者雞煲任食套餐，我哋今晚就揀咗青檸椰汁烤魚。佢個湯底好香椰子味，絕對可以喺開始之前飲返兩啖。
佢哋用嘅應該係盧魚，啖啖肉，啲魚肉係比較硬身有口感啲。
我哋個餐包咗個海鮮拼盤，六款海鮮其實都真係幾豐富，而佢呢度嘅龍躉片都好滑，啲蝦都好新鮮好彈牙，確實係唔錯。
另外仲有個M4和牛拼盤，M4和牛好食就唔使講，想講嘅係佢個封門柳仲好食，真係好夠冧，另外個牛肩肉同牛板健都唔錯。
另外呢度仲有得玩小遊戲抽下獎，佢嘅抽獎禮物會係一啲飲品食物或者係折扣。
我哋就抽中咗牛小排一份，我諗佢係跟人頭嘅份量，所以就得兩片。
除咗牛之外，呢度啲豬都幾好食，同樣都係好冧。
呢度值得讚嘅係喺你食完個烤魚之後，你可以選擇換過湯底先至打邊爐。所以我哋就揀咗個冬瓜盅湯底。
冬瓜盅湯底真係好足料，大大個冬瓜喺中間之外，仲有一啲素翅添，個湯絕對係可以用返碗之後先開始打邊爐。
除咗啲火鍋配料之外，呢度仲有幾款嘅熟食同前菜俾你任食。佢啲無骨鳳爪都做得幾好，微微辣咁幾惹味。
除咗自己喺手機落單之外，出邊都仲有好多丸類同菜俾你自己攞，啲選擇都唔少架。
甜品方面，佢都有一啲台式甜品比你自己整，有晒仙草愛玉芋圓，但我自己就揀返豆腐花作為呢一餐嘅結局。
張貼
