犢食 (已結業)

今晚工作關係去開觀塘，專登搵吓去邊間餐廳食晚餐，喺網上見到有間小店價錢唔貴，而且好有理想同堅持，決定去幫襯雖然係工廈中，但非常容易搵，而且裏面環境好衛生，職員都係一班年青人，好有禮貌同笑容餐牌上嘅選擇主要係湯咖喱烏冬、丼飯、小食同飲品，見小食好多款都好吸引，今晚就只嗌小食我揀咗免治雞軟骨串、鰹魚汁炸豆腐、照燒魷魚串、芝麻雞翼同兩款可樂餅最抵讚係可樂餅，有紫薯甘栗味同南瓜味，兩款都炸得好香脆，而且裏面嘅材料好吸引，因為真係見到栗子肉同埋紫薯蓉，甜度適中又夠飽肚，值得一試，而南瓜餅都好有甘甜嘅味道鰹魚汁炸豆腐裏面嘅豆腐好滑，外層香脆，配上湯汁食落去好夾魷魚串口感彈牙，外表燒得焦香，好吸引免治雞軟骨串都好味，裏面有脆脆地嘅雞軟骨而芝麻雞翼比較一般，如果芝麻味更香濃就好另外再叫左盒抹茶味嘅豆乳，係食煎炸野嘅同時飲返盒健康又解膩嘅抹茶飲品我覺得呢間小店好有心，睇得出呢班年輕人好熱血，食物嘅賣相同味道都抵讚，價錢亦都唔貴，$100已經叫咗好多款小食，店裡唔係太多人，坐得好舒服，總之值得支持！