川府宴 (已結業)

突然好想食川菜，朋友介紹之下就去左銅鑼灣呢間川府閣～上到樓都幾有私房菜既感覺！今次主要想食水煮魚同埋辣野刺激一下味蕾～先點左個口水雞，份量都幾多！面頭既口水汁真係精髓，雞都幾滑～佢地既紙包牛肉好特別架，呈上枱再剪開先見到真身！而匿埋係乾辣椒底下就有大大塊既牛肉啦～都帶點辣度架，牛肉經過薄薄油炸再收番油，所以特別香口～我地仲點左個酸菜桂花魚，份量都夠2-3人食既，魚都幾嫩！特別欣賞佢既配菜好多，有窩荀、薯粉！個酸辣湯底都十分到位！