影片
更多
2013-12-30
3416 瀏覽
因為個麵包布甸，所以又再次嚟到呢間Habitu The Table……估唔到呢度五點鐘係咁多人，不過呢度確實係一個約朋友傾計嘅好地方，裝修典雅，柔和燈光照在水晶燈上，感覺分外和諧！今次叫咗牛肉漢堡、肉醬茄子千層、水蜜桃檸檬茶，仲有唔少得個麵包布甸。牛肉漢堡賣相真係唔錯，個包係意大利包，用牛油烘到好香脆，不過冇咗意大利包嘅鬆軟同香草味。至於牛肉，第一啖咬落到已覺不妙，太乾，完全無肉汁，整個包嘅靈魂已經無咗一截。薯條係粗條薯條，應該外脆内軟，不過而家結果都係炸得過火些小。成個set除咗沙律菜唔駛煮之外都係煮過咗火，認真麻麻。肉醬茄子千層，原來真係千層茄子，得個底有一層薄薄闊麵。肉醬味道濃郁，而個汁味道剛剛好，唔太鹹或酸。不過重點都係個麵包布甸，真係食極唔厭！又香又熱又軟又滑，面頭金黄色嘅麵包，無論色澤或質感都係焗得啱啱好。第一層係焗得脆而薄嘅麵包，接住係一嚟講層軟棉棉滲透雲呢拿香嘅麵包，再而帶出最後香濃滑流嘅蛋布甸, 味道唔太甜，就咁食都已經好開心，仲可以點伴隨嘅雲呢拿，完完全全咁帶出整個麵包布甸嘅雲呢拿香，真係百吃不厭！至於飲品，上次試咗杯曲奇妙趣沙冰都幾好，今次想飲D清D嘅，叫咗個蜜桃
今次叫咗牛肉漢堡、肉醬茄子千層、水蜜桃檸檬茶，仲有唔少得個麵包布甸。
牛肉漢堡賣相真係唔錯，個包係意大利包，用牛油烘到好香脆，不過冇咗意大利包嘅鬆軟同香草味。至於牛肉，第一啖咬落到已覺不妙，太乾，完全無肉汁，整個包嘅靈魂已經無咗一截。薯條係粗條薯條，應該外脆内軟，不過而家結果都係炸得過火些小。成個set除咗沙律菜唔駛煮之外都係煮過咗火，認真麻麻。
肉醬茄子千層，原來真係千層茄子，得個底有一層薄薄闊麵。肉醬味道濃郁，而個汁味道剛剛好，唔太鹹或酸。
不過重點都係個麵包布甸，真係食極唔厭！又香又熱又軟又滑，面頭金黄色嘅麵包，無論色澤或質感都係焗得啱啱好。第一層係焗得脆而薄嘅麵包，接住係一嚟講層軟棉棉滲透雲呢拿香嘅麵包，再而帶出最後香濃滑流嘅蛋布甸, 味道唔太甜，就咁食都已經好開心，仲可以點伴隨嘅雲呢拿，完完全全咁帶出整個麵包布甸嘅雲呢拿香，真係百吃不厭！
至於飲品，上次試咗杯曲奇妙趣沙冰都幾好，今次想飲D清D嘅，叫咗個蜜桃檸檬茶，本來估會係用蜜桃茶包沖，但好似唔係，因為無嗰種人造香料嘅味道，而係淡淡嘅水蜜桃味溶入咗红茶裏面，加埋幾片檸檬帶出清香嘅味道，令人有清新嘅感覺。總括嚟講，呢度係飲嘢食小食同甜品嘅好地方，值得得閒再來。:-)
張貼
