和拉麵

營業中

休息中

大埔其實好多好野食。經過呢度，今晚就食拉麵。吸引之處：1. 餐廳雖然細，但整齊，有日式拉麵舖feel。拉麵舖黎講算係好有氣氛。拉麵舖放住日本既經典歌，一入黎就感受到清新既日本氣氛，好舒服。2. 價錢合理，唔似市中心賣到好高價，好實惠既價錢。3. 可以選擇盡量和返自己口味。包括湯底濃度，拉麵軟硬度，蒜同蔥既份量等等。仲可以追加配料加送。4. 湯底豚味夠濃，而且夠熱。拉麵揀左硬，拉麵彈牙，仲索曬湯底陣濃濃既豚骨味。5. 加左芝麻，湯底味道更香。6. 師傅自己整既芽菜，味道少辣，加落拉麵，越食就越落好多。因為味道同拉麵好夾。食左好多芽菜，整得好。7. 溫泉蛋中間流心，好合口味。8. 呢間整叉燒真係整得好味。叉燒出邊燒到少少黑色，叉燒味道更加突出。叉燒既脂肪燒到少少乾身但又有脂肪。叉燒整到有自己特別既香味。好食到追加左叉燒。整體黎講，有自己特色既拉麵。值得再食。