影片
更多
2019-08-30
54 瀏覽
今晚同男朋友出左旺角諗唔到食咩，行到白布街一眼望過去有間新開既日本菜，門口有張長木凳，同周圍既環境有少少格格不入因為唔似會係旺角出現咁有設計感既裝修，人少少坐係到影相打卡好靚呀，所以就決定食呢間！一入去全部座位都係吧枱高凳，可以欣賞師傅預備食物，我平時都幾中意係吧檯可以同師傅傾下計佢地又可以介紹到菜式，前菜點左個日本番茄沙律，本身我自己係勁唔中意食番茄特別係生番茄，但有次係日本旅行朋友話好好食，比左少少我試，之後就對凍番茄改觀，火鳳燒鳥既番茄沙律加左個調配過既汁，成個感覺好清新，凍冰冰既番茄肉，完全冇平時食番茄梅梅爛爛既感覺，估唔到出黎旺角食野都有d質素。之後就上刺身拼盤喇⋯有海立、金目鯛、拖羅、帶子、油甘魚，睇擺盤用真既紫綠海藻，加埋刺身既顏色好靚好似好新鮮，咁我就由海立食先因爲平時食親都冇咩味，當堂哇左一聲因為咬落好實淨爽口，魚味慢慢滲出黎，估佢唔到，再食個金目鯛直頭露出左勁滿意既食相比店員見到，行埋黎同我地講刺身o唔ok呀，應該今日新鮮空運到貨！唔怪得個金目鯛食落咁爽脆，平時食d好新鮮既拖羅會有浸好清新既香味，有少少似菠蘿果種味道但又好油香，呢個金目鯛清新版真係不得了我估個員工應
一入去全部座位都係吧枱高凳，可以欣賞師傅預備食物，我平時都幾中意係吧檯可以同師傅傾下計佢地又可以介紹到菜式，前菜點左個日本番茄沙律，本身我自己係勁唔中意食番茄特別係生番茄，但有次係日本旅行朋友話好好食，比左少少我試，之後就對凍番茄改觀，火鳳燒鳥既番茄沙律加左個調配過既汁，成個感覺好清新，凍冰冰既番茄肉，完全冇平時食番茄梅梅爛爛既感覺，估唔到出黎旺角食野都有d質素。
之後就上刺身拼盤喇⋯有海立、金目鯛、拖羅、帶子、油甘魚，睇擺盤用真既紫綠海藻，加埋刺身既顏色好靚好似好新鮮，咁我就由海立食先因爲平時食親都冇咩味，當堂哇左一聲因為咬落好實淨爽口，魚味慢慢滲出黎，估佢唔到，再食個金目鯛直頭露出左勁滿意既食相比店員見到，行埋黎同我地講刺身o唔ok呀，應該今日新鮮空運到貨！唔怪得個金目鯛食落咁爽脆，平時食d好新鮮既拖羅會有浸好清新既香味，有少少似菠蘿果種味道但又好油香，呢個金目鯛清新版真係不得了
我估個員工應該係店長黎佢問我地會唔會飲清酒，介紹我地試下大雪溪去配搭off menu既食物，估唔到日本野都有清酒pairing 。
Off menu就係佢地師傅每朝會去市場睇有咩時令食材，今日既雞卷釀左露筍蘿蔔，又幾夾。
另外佢地既麵豉牛舌都好驚喜，豆腐麵豉煮得好入味，我一再確認真係牛舌？因為煮到好似牛腩咁嫩咁淋，好好食呀。
之後去一去洗手間原來餐廳係有兩層，上層係榻榻米形式，有埋投影香港霓虹燈特色，比一班朋友食飯氣氛一定好好，而且天花有一大盞月亮燈同樓下大門一樣，好靚！仲有我食評好少可講洗手間，有少少隱蔽但一推門好似去左酒店洗手間咁個鏡仲有燈，睇得出呢間餐廳花咗唔少心思去設計裝修，連咁細節位都冇偷懶。
串燒有燒雞肝、牛小排，我係雞肝fans當然唔會錯過，因為雞肝唔係到到都整得好食，特別係日式雞肝有時會好腥，佢地個醬汁用得好好。店長同我地講其實佢地擺左個雪櫃去自己熟成牛肉，不過店仔細細所以熟成左舊牛唔洗4日就賣哂.. 依家我出去都好中意搵有熟成牛既餐廳。
另外仲有汁煮立魚頭，都係果句食材新鮮點煮都冇得輸，平時好怕熟魚會腥但係汁煮甜甜地一d都唔腥，肉又嫩滑唔會散開。燒雞排就係咁多美食在前顯得不過不失。
飲埋碗蜆肉麵豉湯諗住好滿足啦，點知店長指住個蟹缸問我地想唔想試下蟹仔... 我一直都有留意個缸因為d蟹仔好生猛我以為係養㗎！
炸完睇到師傅將兩隻蟹仔企起身好得意，係平時高級日本菜既懷石料理會擺盤用。好香口佐酒好正。
最後以水信玄餅作結，勁通透原來都係佢地師傅自家製，配上沖繩黑糖。
估唔到隨意去到白布街都可以遇上咁隱世既高質食店，如果係中環開店憑著店長同師傅既用心同挑選嘅食材，都真係贏左好多間蘇豪區既日本菜！熟成牛今次無緣份，下次有藉口9月再黎試下！
張貼
