小胖台灣便當 (偉華中心)

營業中

休息中

約咗朋友喺沙田食飯，嚟咗呢間小胖，比起其他貴價餐廳，呢間餐廳有驚喜！一人嗌咗一個便當，有炸雞髀、三杯雞，同埋豬扒。每份肉都大大份，好夠飽。佢嘅炸雞髀好貼心咁切開咗一半，唔會食到好輪盡。肉質都炸得好嫩滑，外皮香酥，令我回味台灣嘅夜市。三杯雞扒同豬扒都唔錯，朋友們話係用心製作，唔會好乾身或者好重味精味。而佢嘅飯都仲有少少配菜，係真•便當。每個餐可以揀冷泡茶，或者熱柑桔檸檬水，好大支/杯，冷泡茶飲唔哂可以拎走，佢個樽都好靚。當晚人唔算多，我哋可以慢慢傾偈而無壓力。讚！