影片
更多
2019-08-12
24 瀏覽
好耐好耐冇喺香港食過串燒，其實香港都一樣有有心做嘅串燒店，價錢唔算好貴，又有質素，值得一試燒烤堂位於旺角長沙街，原來仲有好幾間分店。旺角店位置唔多，面積小小，乾淨企理，我地一開門就入座，客人唔多，仲可以慢慢食野傾計。店員全程好好招呼。餐牌方面以燒烤店黎講，選擇非常多，而且有好多幾特別的。海鮮類例如廣島蠔、鮑魚、元貝、蟶子、虎蝦等。日本無激素走地雞嘅七里香、雞頸肉、雞胸軟骨肉。最受歡迎嘅當然唔少得茄子、雞軟骨、羊肉串、牛舌芯、雞翼、白鱔等，數都數唔哂，人均消費百五蚊，喺香港黎講好合理。串燒除左以汁燒、孜然、辣粉、蒜蓉、鹽燒、牛油等調味料主導，仲有好正嘅自家調製麻辣味同泰式口味嘅串燒，基本上全晚我地點嘅都好啱口味蒜蓉茄子 32講到串燒，不得不提燒茄子，一人一條都食得哂，茄子大條，燒到啱啱好，好輕鬆夾起茄肉，唔會痴到皮，冇任何燶味，時間掌握得好好。茄肉鋪滿滿蒜蓉，加上醬油香，超好食四重芝士包 28呢個麵包控必食，麵包厚身，烘得外層好香脆，裡頭仲幾軟熟，芝味濃郁，有拉絲效果，食得出有幾種唔同嘅芝士，超正鹽燒雞胸軟骨肉 22鹽燒雞軟骨 16鹽燒原塊雞皮 22鹽燒牛小排 38好細心將相同味道嘅放埋
燒烤堂位於旺角長沙街，原來仲有好幾間分店。旺角店位置唔多，面積小小，乾淨企理，我地一開門就入座，客人唔多，仲可以慢慢食野傾計。店員全程好好招呼。
餐牌方面以燒烤店黎講，選擇非常多，而且有好多幾特別的。海鮮類例如廣島蠔、鮑魚、元貝、蟶子、虎蝦等。日本無激素走地雞嘅七里香、雞頸肉、雞胸軟骨肉。最受歡迎嘅當然唔少得茄子、雞軟骨、羊肉串、牛舌芯、雞翼、白鱔等，數都數唔哂，人均消費百五蚊，喺香港黎講好合理。
串燒除左以汁燒、孜然、辣粉、蒜蓉、鹽燒、牛油等調味料主導，仲有好正嘅自家調製麻辣味同泰式口味嘅串燒，基本上全晚我地點嘅都好啱口味
蒜蓉茄子 32講到串燒，不得不提燒茄子，一人一條都食得哂，茄子大條，燒到啱啱好，好輕鬆夾起茄肉，唔會痴到皮，冇任何燶味，時間掌握得好好。茄肉鋪滿滿蒜蓉，加上醬油香，超好食
四重芝士包 28呢個麵包控必食，麵包厚身，烘得外層好香脆，裡頭仲幾軟熟，芝味濃郁，有拉絲效果，食得出有幾種唔同嘅芝士，超正
鹽燒雞胸軟骨肉 22鹽燒雞軟骨 16
鹽燒原塊雞皮 22
鹽燒牛小排 38
好細心將相同味道嘅放埋一齊，鹽燒都唔會好重手，鹹鹹地好惹味雞胸軟骨肉好正，口感爽而脆，連雞胸肉嘅我地都係第一次食；雞軟骨都好香脆，燒雞皮薄脆又唔油。牛小排肉味濃郁，輕輕燒起，仲有肉汁。
汁燒白鱔 42汁燒軟骨免治雞肉棒 28
燒白鱔好香，肉質有彈性，唔會被醬汁蓋過味道；雞肉棒好正，口感豐富
牛油蒜蓉焗雜菇 34份量不少，唔會過重口味。
蜜糖雞中翼 18烤得啱啱好，甜甜地，燒雞翼我最鐘意食。
惹味豬大腸 22麻辣墨魚咀 16
麻辣雞翼 18
鐘意食辣嘅朋友一定要試下佢地嘅麻辣，好正，唔係一般落辣粉，係真係有少少麻，少少辣，有誠意！
雞翼入味；墨魚咀勁爽脆；豬大腸嚼勁強，仲有滷過，回味
張貼
