Grass and Sea by PEKO PEKO

營業中

休息中

之前系yoho食飯經過都見到呢間幾有格調既西餐廳，所以搵日得閒就去食個晚飯，入到去發現原來之前系荃灣海之戀有食過，元朗呢間系分店，菜式有少少吾同，之前食過都幾好，所以對呢間都有信心。蘑菇cappuccino $58 見到個名幾得意，造型都幾似cappuccino ，蘑菇打碎做蘑菇蓉，所以蘑菇味好香濃，食到一粒粒蘑菇碎，另外表面加左層cream，攪勻一齊飲更香更滑。湯會跟塊丹麥卷，配埋一齊更好味。香脆廣島蠔 $68炸粉薄而且非常鬆脆，入面廣島蠔仲好juicy同軟身，完全無炸乾，煮得非常出色。白汁海鮮釀蟹蓋意粉 $168蟹蓋造型吸引，入面裝滿左不同海鮮，再加埋芝士去焗，蟹蓋下都有魷魚、蜆等海鮮，白汁味濃郁，仲帶有洋蔥香味，意粉掛汁。香煎大蝦拼牛柳伴波特紅酒汁$368蝦夠大隻，煎完仲好爽同彈牙，牛柳7成熟，中間部位顏色帶嫩粉紅色，呢個位好嫩腍，外面已經全熟，切起來感覺幾嫩，但入口會比較鞋，個人建議點5成熟可能比較好。值得一提既系佢薯菜同一般吾同，佢將蔬菜切粒加入忌廉芝士薯蓉內，再去煎，忌廉味濃郁，配牛柳一齊食比紅酒汁更好味。