KOKOMI (已結業)

又係美心喇, 佢總會不知不覺就會係你附近, 咁佢呢間都係出色嘅午餐之一真係好鬼多人架, 我就唔係成日出去食午餐, 因為我覺得係金鐘附近唔落灣仔都唔係好多食店可以選擇,一來人多, 一來唔平, 不過今次選得金鐘廣場內都估到大約咩價錢, 不過唔係成日就食下, 呢間我都食過3次了, 可能之前幾個食, 會有多點紅肉所以都飽, 但今次叫咗個燒銀鱈魚及燒薄牛扒, 有少少唔夠飽(可能我都食得下..), 如果佢個燒銀鱈魚可以有個好似燒薄牛扒嘅椰菜絲伴下可能會好D, 但講番佢個京蔥燒銀鱈魚, 佢入面真係好香京蔥而且唔會流失魚嘅味道(平時我係唔好食魚)但呢個的確好食, 燒薄牛扒亦燒得幾好, 上次人地食饅魚都有試下都唔錯