高山文化咖啡廳

營業中

休息中

見xx關注組近期好多正評 post推介呢度，就趁星期日放假過嚟試試。一到門口見到坐滿人，有幾個人等位，等左陣，一直都冇職員出嚟理會等緊既人，直至有1張4人檯走左，職員先出嚟問邊個排隊先。我地2位唔介意與另外2人搭檯，入座後，本身想食 all day breakfaat, 但 sold out, 最後order 左1杯 ameriano, 1杯 flat white，2個意粉，咖啡等左25分鐘先到，再坐多20分鐘，先見到陸續出餐比我地早到好多既客人，已經心知不妙，應該仲有排等！前後等左大約1個鐘，個意粉終於嚟啦，真係要好有耐性先好嚟試，如果店方真係處理唔切當前既單，應該有責任入座前提醒餐飲大約要等候既時間❗*食物：意粉味道唔錯既，但唔值得等上一個鐘*飲品：flat white 咖啡味道偏淡*環境： 舒服，採光好*服務：除左出餐外(仲不止一次將餐送錯檯) ，基本上都似自助服務總括嚟講，如果要用上一個鐘嚟等餐飲，除非真係好出色，或者有好多空餘時間，否則可以有其他選擇。