麵家山下 (已搬遷) 新店位置

話說前兩日出咗個食評係上個月中去食嗰時嘅經驗認真麻麻湯底淡如水 又唔夠熱係得啲配料有驚喜時隔差唔多一個月 今日再去食為咗可以同上次比較叫番一樣嘅醬油湯底細麵不過今次就冇叫拉麵DX而係叫咗叉燒拉麵都係一樣嘅流程叫完嘢食上閣樓等等咗一陣就有人送麵上嚟首先第一樣嘢 今次個湯溫度啱啱好!熱得嚟又唔會熱到擺唔到落口!第二件事 今次個湯頭同上次好大分別!雖然醬油湯底都係冇醬油味但係今次好清楚食得出湯底係用豬骨煲咗好耐嘅味道同口感雖然咸度都係比較不足但係絶非上次嗰種賣淨蔗溝水嘅感覺細麵硬度啱啱好值得一提再提嘅係呢度嘅叉燒真係極品我唔係講話香港嚟講算係極品(因為香港九成嘅"拉麵店"都係九唔搭八)而係比日本本土好多出名嘅拉麵店都出色!近乎入口化開嘅口感 真係唔係度度有食得出今次真係所有方面都有用心去做本身諗住食埋今次奶嘢嘅詀就以後唔使幫襯依家覺得絕對可以再嚟試下如果湯底嘅味道再出啲就更加好唔知店家會唔會睇到呢篇食評不過我都想講一句做食店呢家嘢付出咗幾多心機食客一食就知請繼續保持水準!