新軒尼詩茶餐廳 (已結業)

以前一直都有去開展覽，咁就曾經去過灣仔新軒尼詩餐廳度食嘢，嗰陣時去係抱住一個求其嘅心態，諗住食飽就算，點知食咗個午餐洋蔥豬扒飯，真係超級難食，我覺得$50左右連飲品真係唔抵。😡但係最近去完美食展，再俾多次機會呢間餐廳，再叫同一樣嘅嘢洋蔥豬扒飯，點知今次為我帶來嘅唔係失望，而係驚喜！以前嘅洋蔥豬扒飯冇洋蔥，依家有，不但只豬扒好大塊好抵食，味道仲好好，而且賣相都10分吸引，同樣係$50蚊，質素竟然大大提升🤤，我都忍唔住開口同老闆講以前同而家嘅差別，老闆都多謝我俾多次機會佢哋，佢仲叫我試埋佢哋嘅雞排，我睇都有其他客人食都係好大塊，嚟緊就電腦展，決定再去多次，試埋嗰個雞扒飯。我認為做飲食呢行其實好難，加上佢哋個場特別係中午嘅時候好忙，係咁嘅情況下都可以比到以呢個價錢呢個質素，香港茶餐廳嚟講係10分唔錯！加上我以前食過同埋而家嘅比較之下，我見到佢哋不斷既改進，加油，雖然打評論之前見到好多唔好嘅評論，但係唔緊要，正所謂唔可以一試定生死，我認為曾經覺得好差嘅朋友，都可以再去試多次，試吓佢哋而家嘅豬扒飯或者雞扒飯，加油，希望你哋嘅質素可以保持落去！👍🏼