開餐 (已結業)

經過佐敦見到有間港式嘅茶餐廳，諗住入去食普通嘅常餐，點知原來有酸魚食，嗱嗱聲入去試吓，價錢都好相宜！點餐嘅時候仲可以加$10，就換到一大支嘅花茶飲👍🏻👍🏻效果就唔太睇到出，但味道係好ok唔好太濃。我叫左酸魚湯米線，第一啖食好滋味，個湯都夠味，而啲魚都超滑唔多骨，但一路食一路標汗🤣真係愈食愈辣呀，雖然係咁但我冇停低，一路飲凍野中和返。而朋友就叫左甜豉油太陽蛋腸仔餐肉雞扒飯，即係大雜燴😝所有食物都正常，煎得唔太燶，而隻蛋係主角，煎得啱啱好，流心蛋黃加甜豉油撈飯一流👍🏻不過呢間食肆就比較細，枱同枱之間都比較迫，空間感差啲啲。但服務好好，坐低會派紙袋放口罩，有搓手液👍🏻