影片
更多
2024-05-28
1483 瀏覽
⭐️最新有車輪牛角酥+酥皮磚⭐️由Beans Group品牌開拓出來的新副線，以麵包店形式殺入馬鞍山，而家暫時開咗四間分店。麵包款式相當多而且賣相好吸引，例如bagel，水果吉士酥，牛角包，人氣麻糬葡撻日賣500件將軍澳人表示最幸福，將軍澳廣場/將軍澳中心有齊晒三間beans Cafe+荳子冰室+Beans Bakery．開心果方磚 $22面頭的開心果碎冇網上圖片顯示得咁豐富，不過內餡係有爆漿流心效果嘅，都幾得意，初次食有驚喜，不過佢係麵包質感，如果外層喺牛角酥質地會更加出色🥰另外仲有紫薯、粒粒芝士口味．紫薯麻薯方磚 $16有好多紫薯餡，不過外層太麵包，個人會想香脆啲，覺得比起堂食食麵包，自己買走返去焗熱整脆返個皮會更好食．伯爵茶朱古力車輪牛角酥 $22呢個價錢有驚喜！出面有啲麵包店賣到五/六十蚊個，佢依度廿蚊已經好好質素，酥皮香脆有層次，有幾款口味：抹茶白朱古力、朱古力、伯爵茶朱古力、士多啤梨白朱古力。朱古力係脆皮面，內裏嘅忌廉真係好重伯爵茶味，配搭好好幾好食 但始終朱古力底所以會有少少甜。．朱古力牛角包 $19．吉士冬甩 $22．麻糬葡撻 $12少少蛋撻感覺嘅葡撻，唔會太甜，不過唔算好
由Beans Group品牌開拓出來的新副線，以麵包店形式殺入馬鞍山，而家暫時開咗四間分店。麵包款式相當多而且賣相好吸引，例如bagel，水果吉士酥，牛角包，人氣麻糬葡撻日賣500件
將軍澳人表示最幸福，將軍澳廣場/將軍澳中心有齊晒三間beans Cafe+荳子冰室+Beans Bakery
．開心果方磚 $22
面頭的開心果碎冇網上圖片顯示得咁豐富，不過內餡係有爆漿流心效果嘅，都幾得意，初次食有驚喜，不過佢係麵包質感，如果外層喺牛角酥質地會更加出色🥰
另外仲有紫薯、粒粒芝士口味
．紫薯麻薯方磚 $16
有好多紫薯餡，不過外層太麵包，個人會想香脆啲，覺得比起堂食食麵包，自己買走返去焗熱整脆返個皮會更好食
．伯爵茶朱古力車輪牛角酥 $22
呢個價錢有驚喜！出面有啲麵包店賣到五/六十蚊個，佢依度廿蚊已經好好質素，酥皮香脆有層次，有幾款口味：抹茶白朱古力、朱古力、伯爵茶朱古力、士多啤梨白朱古力。
朱古力係脆皮面，內裏嘅忌廉真係好重伯爵茶味，配搭好好幾好食 但始終朱古力底所以會有少少甜。
．朱古力牛角包 $19
．吉士冬甩 $22
．麻糬葡撻 $12
少少蛋撻感覺嘅葡撻，唔會太甜，不過唔算好香蛋味，缺點在於撻太扁，唔夠厚度 缺乏口感，但特別在於內有麻糬。唔算非常出色，勝在唔使排隊 可一食解蛋撻癮！
張貼
