炭魚 (已結業)

炭魚想試左好耐，襯放假5月1號即興去左。其實冇booking真係要等，因為舖位唔太大，位置有限。門口有部大電視不停播放同介紹裏面有咩食，最後我堅持要等到為止。終於等左40分鐘入去坐底左，位置就非常窄，隔離台要出入都要你讓位。唔理咁多即刻填紙仔揀野食，兩個人點左清江魚，揀埋其他配料，好似粉皮，青瓜，木耳等等，立即入單。食呢個炭魚要有D耐性，因為應該係製作需時，等左15分鐘左右終於都黎喇。香味非常唔錯，分量足，魚皮脆，連魚骨都脆，魚肉嫩滑，非常野味，連個香辣湯底亦好好味，用個粉煮一煮連埋一齊食，令人十分回味。仲要有埋炭爐一直下面加熱，很有風味，辣同燙的味道非常出色。今次兩個人食唔到太多樣野，有機會一定會再挑戰佢其他菜色。