Gyoza AnD

營業中

休息中

日本菜除左刺身、壽司、串燒等等之外，拉麵餃子都係我既摯愛。今次就去左位於中環既【Gyoza AnD】，餐廳主打餃子、70年代係東京開店，而最近就係香港開設分店。店鋪門面、裝修同menu都係非常retro昭和時代既設計。餐廳有固定menu、仲有每日限定餃子同食物menu。父親の水餃子：鎮店之寶、椰菜同豬肉既水煮餃子，皮非常Q有咬口，有家既味道。加上秘製調味料，又增加特色。自家制燒餃子：父親の水餃子既煎餃版本、外皮煎左更加惹味，皮薄爆汁。紫蘇餃子：椰菜同豬肉既餡再加入紫蘇，紫蘇味好香濃，非常特別。章魚燒餃子：呢個係佢地創意餃子，超級推薦！！内餡真係有加章魚，就算連調味都整到好似章魚燒一樣。Topping再加上章魚燒醬汁、蛋黃醬同木魚碎、完全就係餃子版章魚燒，非常有特色！AnD担担麵：担担麵有分湯同撈麵、因爲天氣凍當然叫湯麵。本身睇顔色以爲會好辣、點知係好溫和既辣味。有D似上海既擔擔麵，但少左酸味。蟹肉燒賣：燒賣都係佢地自己包、下面燒賣係豬肉餡、上面好多蟹肉同三文魚籽。蟹肉味重。沖繩早摘水雲：之前去過沖繩之後就愛上左水雲，所以今次都叫左、酸酸地好開胃。