共度一燒

營業中

休息中

今日去咗荃灣食晚飯，行咗一陣聞到間串燒好香，所以就走入去試。因為今日比較肚餓，所以入到去就即刻嗌嘢食，一坐低就嗌咗個酸辣粉，個酸辣粉真係做得好好味，無論味道、配料都做得恰到好處。之後就叫咗個酒糟雞卷，個雞卷做得好入味，又唔會好鹹，肉質都幾鮮嫩。另外就叫咗，豆卜、芝士竹輪卷、韭菜，全部味道都做得好唔錯，唔會話好鹹同埋好重味粉。之後就叫多咗，五花腩串、煙肉蘆薈卷、冬菇同翠玉瓜，個五花腩串好香口，蘆薈卷都好鮮嫩，冬菇就好甜。之後當然唔少得要叫埋牛肉，安格斯一口牛、香辣牛肋條、雞中翼、雞軟骨串，幾鍾意佢嘅肉，每一口咬落去都好重肉汁。食到唔夠喉，叫咗大墨魚咀入口都幾爽脆，牛油粟米超級甜同埋好重牛油味。佢而家啤酒買一送一，所以真係冇理由唔飲啤酒。