元札幌拉麵 (宇晴軒商場) (已結業)

同朋友仔在D2 Place 睇完一齣好戲後，當然要搵嘢食啦。朋友仔話食黎食去都係D2 Place 的食店太悶了，建議到附近商場睇下有咩其他野食。黎到宇晴軒商場，朋友仔話想食拉麵，見到這間元札幌拉麵門面不錯，於是入內試一試。一坐低已經給我們兩杯熱茶，十分貼心。一邊飲熱茶，一邊睇餐牌。 食物種類都幾多，我們選了自選套餐，松+梅+竹+菊=$188，在每個組別中各選擇一款組合成自選套餐。我們分別選了（松）雜錦拉麵，（梅）串燒雞翼，（竹）自家製吉列豬扒， （菊）叉燒炒飯（大）=$188。然後選了海鮮大阪燒（ $48 ），日式芝士春卷（5枚）（ $32）。枱面附有自助調味料及紙巾，不錯不錯。自家製吉列豬扒炸得夠脆夠香口，炸粉厚薄適中，搭配醬料味道更佳。串燒雞翼即叫即製，熱辣辣好味道，外脆內juicy，唧少少檸檬汁味道更加提升。雞翼處理方面十分貼心，店舖先將雞翼切開才用竹籤串起來燒，吃時十分方便，不用擔心雞骨頭難處理，值得推薦。芝士春卷（5枚）其他鋪頭比較少見，食落有淡淡的芝士味，不錯不錯。海鮮大阪燒上桌時配以大量大量柴魚片，朋友是柴魚片愛好者，十分喜愛，我就略嫌柴魚片太多，反而蓋過了海鮮大阪燒的味