魚一壽司 (教育路)

營業中

休息中

今日咁啱經過魚一呢間壽司舖頭，見到好多人排隊就覺得都應該唔錯，所以諗住等一陣都唔緊要。最後等咗35分鐘就可以入座。入座前已經諗好想叫一個丼飯，一啲特別嘅壽司同小食。我點咗一個自選丼飯: 三文魚腩、吞拿魚腩、油甘魚、北寄貝，刺身質量真係唔話得👍🏻，冇諗過會喺舖頭食到咁樣嘅質素，油分充足之餘又新鮮😋 點丼飯送嘅三文魚湯真係值得一讚，真係幾入味而且唔會太油。希靈魚、芝士三文魚壽司都不錯，但軟殼蟹手卷就有啲失望，軟殼蟹份量好少，而且好似攤凍咗咁☹️雞泡魚乾同平時食嘅差唔多，都唔錯嘅。