影片
更多
2020-04-27
1898 瀏覽
呢間都開咗一排，上星期先至第一次幫襯早餐，一試就愛上。呢個食評係集合5個早上而成，分別係2020年4月15、16、17、18同20日用餐。疫情期間入座前有探熱；客人坐低後服務員先至擺一套餐具喺檯面個筒度，感覺衛生好多；檯面有玻璃樽裝水供自斟自飲，呢個我反而唔敢掂，因為怕好多客人會掂個樽口；客人走咗，我見到佢有用消毒火酒抹檯。早餐選擇同配搭算多同有彈性，首次食，我揀咗9號餐：鱈魚柳意大利黑松露炒蛋配牛角酥，大致都好食，最吸引係麵包，隨後我決定要試晒可以配自選麵包嘅套餐（除咗有長通粉嘅套餐同all-day-breakfast外，因怕食唔晒），前後試咗牛角酥、榛子包、芝麻包同埋洋蔥包，全部都非常新鮮好味，如要榛子包、洋蔥包或罌粟包仲會有兩個咁多(好大方)，但我要兩件牛油至得。至於飲品，我只飲過鮮磨咖啡同鍚蘭奶茶，有其他飲品選擇，詳見餐牌頂端部份。侍應禮貌好一般，但對我冇影響，其中一位女嘅同一位男仔頭嘅女服務員就比較有禮貌。基於疫情期間，檯與檯之要分隔1.5米，所以座位有限但係都算係坐得好舒適，客人係不斷入嚟，所以我都唔好意思坐太耐。早餐平日係免加一服務費。
呢個食評係集合5個早上而成，分別係2020年4月15、16、17、18同20日用餐。
疫情期間入座前有探熱；客人坐低後服務員先至擺一套餐具喺檯面個筒度，感覺衛生好多；檯面有玻璃樽裝水供自斟自飲，呢個我反而唔敢掂，因為怕好多客人會掂個樽口；客人走咗，我見到佢有用消毒火酒抹檯。
早餐選擇同配搭算多同有彈性，首次食，我揀咗9號餐：鱈魚柳意大利黑松露炒蛋配牛角酥，大致都好食，最吸引係麵包，隨後我決定要試晒可以配自選麵包嘅套餐（除咗有長通粉嘅套餐同all-day-breakfast外，因怕食唔晒），前後試咗牛角酥、榛子包、芝麻包同埋洋蔥包，全部都非常新鮮好味，如要榛子包、洋蔥包或罌粟包仲會有兩個咁多(好大方)，但我要兩件牛油至得。
至於飲品，我只飲過鮮磨咖啡同鍚蘭奶茶，有其他飲品選擇，詳見餐牌頂端部份。
侍應禮貌好一般，但對我冇影響，其中一位女嘅同一位男仔頭嘅女服務員就比較有禮貌。
基於疫情期間，檯與檯之要分隔1.5米，所以座位有限但係都算係坐得好舒適，客人係不斷入嚟，所以我都唔好意思坐太耐。
早餐平日係免加一服務費。
炸鱈魚柳黑松露炒蛋 牛角酥
$66
118 瀏覽
0 讚好
0 留言
煎蛋煙肉蘑菇 芝麻包
$44
97 瀏覽
0 讚好
0 留言
雞肉蘑菇奄列 榛子包
$43
79 瀏覽
0 讚好
0 留言
煙三文魚鮮菠菜芝士奄列 洋蔥包
$48
79 瀏覽
0 讚好
0 留言
煎蛋煙肉雞肉腸火腿扒 牛角酥
$52
41 瀏覽
0 讚好
0 留言
題外話/補充資料：
我仲未知呢間係黃店定藍店？！
(以上食評乃用戶個人意見 , 並不代表OpenRice之觀點。)
張貼
