影片
更多
2017-01-06
489 瀏覽
今日同貓貓去完文化博物館，難得放假，當然要食返個甜品先算係圓滿。揀咗嚟呢間近近哋又方便泊車嘅甜入心。舖頭以粉紅色為主，其實都幾靚，影相唔錯！綠茶心太軟 ($46)其實叫心太軟都幾risky，實在試過太多係唔好食又唔軟，但今日又真係好想食，於是硬住頭皮叫個試吓！賣相又幾似模似樣喎，一切開之後啲半融嘅綠茶漿湧出嚟㗎，啖啖都暖笠笠，雖然綠茶味唔係超級濃嗰種，但總算甜度適中已經好萬幸！蛋糕外脆帶點焦香，入面鬆軟，好味！不過呢，個綠茶雪糕唔講的話，其實我會以為係香片雪糕，哈哈，奶味唔係好重，OK啦朱古力心連心窩夫 ($48)朱古力醬似乎加咗少少榛子，味道幾好，份量都唔少，鋪滿晒全碟窩夫；窩夫夠厚，又外脆內軟，帶點點雞蛋味但甜度適中，加埋微甜嘅朱古力雪糕一冷一熱咁食，相當匹配。我唔鍾意食朱古力，所以不論幾好味，對我嚟講都係普通~ 小心小心，有啲銀色珠仔，小心咬親！黑松露吐司粒粒山 ($55)從來冇諗過$55食黑松露，但今日真係好肚餓，係要食返個toast先啱，而其餘味道又唔係好適合，就再度硬著頭皮叫個黑松露試吓！賣相幾好，夠晒氣勢，一件件toast砌得有啲凌亂美。如果頭先個香片雪糕係普通，咁呢個黑
綠茶心太軟 ($46)
其實叫心太軟都幾risky，實在試過太多係唔好食又唔軟，但今日又真係好想食，於是硬住頭皮叫個試吓！賣相又幾似模似樣喎，一切開之後啲半融嘅綠茶漿湧出嚟㗎，啖啖都暖笠笠，雖然綠茶味唔係超級濃嗰種，但總算甜度適中已經好萬幸！蛋糕外脆帶點焦香，入面鬆軟，好味！不過呢，個綠茶雪糕唔講的話，其實我會以為係香片雪糕，哈哈，奶味唔係好重，OK啦
綠茶心太軟
$46
12 瀏覽
1 讚好
0 留言
綠茶心太軟
$46
10 瀏覽
1 讚好
0 留言
朱古力醬似乎加咗少少榛子，味道幾好，份量都唔少，鋪滿晒全碟窩夫；窩夫夠厚，又外脆內軟，帶點點雞蛋味但甜度適中，加埋微甜嘅朱古力雪糕一冷一熱咁食，相當匹配。我唔鍾意食朱古力，所以不論幾好味，對我嚟講都係普通~ 小心小心，有啲銀色珠仔，小心咬親！
朱古力心連心窩夫
$48
7 瀏覽
0 讚好
0 留言
朱古力心連心窩夫
$48
12 瀏覽
1 讚好
0 留言
從來冇諗過$55食黑松露，但今日真係好肚餓，係要食返個toast先啱，而其餘味道又唔係好適合，就再度硬著頭皮叫個黑松露試吓！賣相幾好，夠晒氣勢，一件件toast砌得有啲凌亂美。如果頭先個香片雪糕係普通，咁呢個黑松露雪糕就真係不得了！好多人對黑松露有個誤解，就係有石油味，而我對於松露醬嗰隻味係極度反感嘅。呢個雪糕當然唔係天然松露鮮味啦，但以呢個價錢，竟然食到有淡淡嘅松露味，我真係感到好意外！而呢隻味道絕對唔係松露醬嗰隻味道，一啲都唔討厭一啲都唔石油，仲幾易入口添！因為toast係外脆內軟嘅關係，點啲焦糖醬及雪糕一齊食，口感非常好，又好味，食到停唔到口。真係冇諗過$55會食到咁好味嘅toast！
黑松露吐司粒粒山
$55
8 瀏覽
0 讚好
0 留言
由於今日有啲凍嘅關係，店員幫我哋將飲品變熱飲，但可能變咗熱之後，會甜好多。杯底有啲青蘋果粒、椰果等，有得飲有得食，冇咁寡！但都係變返凍飲應該會好飲好多！
蘋果紅茶
15 瀏覽
0 讚好
0 留言
張貼
