南대門3號

營業中

休息中

金巴利道同天文臺道向來都有唔少韓國餐廳，前排有日收工就同朋友嚟咗呢度食韓國菜，行咗一陣仲睇緊食邊間好，見到呢間小店裏面坐咗好多人，有咁多客心諗都應該唔會伏得去邊。海鮮辣豆腐湯 ($85) : 豆腐質地柔軟嫩滑，味道又正又辣食完出哂汗。鐵板辣魷魚飯 ($95) : 份量比相像中多，魷魚質量好好，口感柔軟爽彈，唔似平時食開嗰啲肉質咁實，味道有點辣配返跟餐嘅白飯食就可以。石鍋伴飯 ($92) : 上枱時出晒煙非常熱，伴飯配料非常多，有紫菜、雞蛋、牛肉、蘿蔔絲、翠玉瓜等等，而石鍋飯最關鍵嘅飯焦亦非常香脆，最後用埋辣豆腐湯做湯飯咁食，無論口感同味道都超級正。