坐忘

營業中

休息中

成日喺網上見到呢間嘢，聽人分享呢度既豬軟骨係必試既，就專程過黎一試。-一入到黎覺得環境幾靚，多人得黎坐得幾舒服，菜單都設計得幾有心思。一坐低就叫左個豬軟骨野菜咖哩飯。-豬軟骨野菜咖哩飯8/10-首先試左個咖哩汁，正正常常，普通日本甜咖哩既味道。抵讚既位係佢唔會太稀既同時分量都多，跟翻飯一齊食實夠。豬軟骨有驚喜，食落唔會太柴，十分之嫩既同時仲有肉汁。另一方面估計佢煮既時間都夠耐，十分入味，加埋少量既肥肉同骨膠原，咬落去係有個軟糯既口感，肉汁係個口入面爆左出黎，份量都唔少。野菜就普通，加埋咖哩汁一齊食幾唔錯。-總括而言體驗唔錯，雖然位置有少少遠，但$78呢個質素算幾好。