影片
更多
2024-07-04
37 瀏覽
朋友生日當然要賀賀佢！揀左間海鮮雞煲火鍋樣樣齊嘅火鍋放題，等壽星可以一次過滿足晒咁多個願望！晚市時段$398，星期日至四9點後入座仲有85折，以任食嚟講唔算貴。放題包括左雞煲、燉湯、刺身，社交平台打卡再送多個刺身拼盤。揀好左雞煲口味同火鍋湯底後，店員好快就放低左個金色茶壺，原來茶壺裡面係燉湯，可以自己倒出黎慢慢飲。燉湯擺低的時候仲係熱辣辣。我地連忙趁熱飲，個湯有濃濃的豬骨同藥材的味道，飲得出係落足料去煲。之後嚟左個刺身拼盤，有三款刺身同芝麻海蜇，質素係新鮮嘅。再嚟個雞煲。雞煲其實有三款口味選擇，我哋揀左最傳統嘅麻辣雞煲。雞煲微微辣整得好惹味，加埋蔥頭增添左香味，味道唔錯。食完雞煲店員會問你需唔需要encore，我哋怕眼闊肚窄，都係直接進入火鍋環節🤣火鍋湯底都有幾款選擇，我哋揀左清清地嘅椰子雞煲。收走雞煲後店員好快就拎左份海鮮拼盤出黎。真係要嘩一聲！海鮮拼盤非常吸睛！有鮑魚、龍蝦、蟹、扇貝、蠔、海蝦！睇真啲原來鮑魚仲係活生生識郁的！好新鮮🤩 龍蝦有蝦膏的，肉質非常彈牙！呢盤海鮮拼盤真係超高質！🤩食完海鮮拼盤開始追加其他火鍋配料。火鍋配料除左一般的豬牛雞外，海鮮同魚嘅種類特別多，連鮑魚龍躉
晚市時段$398，星期日至四9點後入座仲有85折，以任食嚟講唔算貴。
放題包括左雞煲、燉湯、刺身，社交平台打卡再送多個刺身拼盤。
揀好左雞煲口味同火鍋湯底後，店員好快就放低左個金色茶壺，原來茶壺裡面係燉湯，可以自己倒出黎慢慢飲。燉湯擺低的時候仲係熱辣辣。我地連忙趁熱飲，個湯有濃濃的豬骨同藥材的味道，飲得出係落足料去煲。
之後嚟左個刺身拼盤，有三款刺身同芝麻海蜇，質素係新鮮嘅。
再嚟個雞煲。雞煲其實有三款口味選擇，我哋揀左最傳統嘅麻辣雞煲。雞煲微微辣整得好惹味，加埋蔥頭增添左香味，味道唔錯。食完雞煲店員會問你需唔需要encore，我哋怕眼闊肚窄，都係直接進入火鍋環節🤣
火鍋湯底都有幾款選擇，我哋揀左清清地嘅椰子雞煲。收走雞煲後店員好快就拎左份海鮮拼盤出黎。真係要嘩一聲！海鮮拼盤非常吸睛！有鮑魚、龍蝦、蟹、扇貝、蠔、海蝦！睇真啲原來鮑魚仲係活生生識郁的！好新鮮🤩 龍蝦有蝦膏的，肉質非常彈牙！呢盤海鮮拼盤真係超高質！🤩
食完海鮮拼盤開始追加其他火鍋配料。火鍋配料除左一般的豬牛雞外，海鮮同魚嘅種類特別多，連鮑魚龍躉都可以任叫，而且每款火鍋配料都好新鮮，配上清清地嘅椰子雞湯，更加突顯出鮮甜嘅味道！
今餐邊爐真係有驚喜，每款海鮮都好新鮮！啱哂我呢啲海鮮控！
埋單時老闆介紹生日月份同長者有半價優惠，真係好抵！性價比超高！下次可以帶埋長老黎！
張貼
