麻甩爐海鮮雞煲私房菜 (銀座廣場)

營業中

休息中

前幾日，朋友想打邊爐食雞煲。佢第一間諗到嘅就係呢間。當日天氣超熱，我亦有叫朋友不如食其他，三十幾度打邊爐實在不太吸引。最後喺佢堅持下都係落左去食。好彩食品環境服務質素都非常滿意。第一時間，落到舖頭一坐低，就會有職員過嚟介紹點樣落嘢食。因為有三個，內容都唔一樣。(海鮮餐，牛盛宴和烤魚)當中海鮮餐和牛盛宴都是食雞煲的。我地果斷揀左海鮮餐。只要358海鮮和三文魚任食，當中竟然包括鮑魚。海鮮同刺身亦相當新鮮。海蝦上到枱面，啲腳仲識郁。是非常不錯。雞煲方面，揀咗招牌麻甩雞煲。當日坐嘅枱，可以望到廚房嘅窗口。見到職員落完單廚房就開始炒嘢。大概10分鐘後雞煲就落到枱面，肯定是即叫即炒的。樓面職員也有幫手炒雞煲，服務非常好。(食過唔少雞煲都係要自己計時自己炒，有時真係唔清楚幾時食得）雞煲味道鹹甜適中。叫左小辣，惹味得來唔會辣道食唔到。非常適合香港人口味。薯仔同芫荽更是非常入味。仲可以無限加雞。食完雞煲嘅時候就轉湯底打邊爐。我地揀左冬瓜湯。果然冇揀錯，湯底非常鮮甜。食海鮮一流。食完重口味嘅雞煲，用冬瓜湯打邊爐。成件事非常舒服。自助區和飲品，亦都非常足夠。有啤酒任飲。自助區仲有一格係全部都係甜品同埋水果。