瑞士餐廳 (已結業)

本身已經好鍾意食芝士，而且係越濃越鍾意。今次係IG見到介紹呢間餐廳，標榜著正宗瑞士芝士火鍋，抱住試試亦無妨既心態，點知都幾有驚喜。芝士火鍋有分普通同黑松露味，鍾意食濃味所以揀左黑松露味。有跟麵包粒，而且可以免費添加。我地有加點蘑菇同薯仔，所以麵包粒最後只追加左一次。個火鍋一上枱已經好香，食落去有濃烈既鹹香，但同時有一陣酒香，味道有層次感。平日d餐廳為左就香港人口味，頂多比下d mozzarella，淡淡地有得拉絲打下卡就算。但尼個芝士火鍋無論做法同用料都好有誠意。連從來都唔寫食評既我都要寫下比個好評。三條女點完兩人份火鍋，仲食得落，所以點埋蘇黎世牛肉（應該無記錯名）同酥皮燉羊膝（又係d濃味野）。牛肉普普通通，都唔錯既，但個羊好好味。首先份量都大過預期，成塊酥皮包著個羊膝，入面d醬汁完全吸收左羊既精華。羊膝好嫩好易切，好入味好正。影得唔靚，但味道係👍🏻