重房

營業中

休息中

今日有個識食嘅朋友又約我嚟呢度食正嘢，認真講句，真係超有驚喜，呢度不論係裝修定或小擺設，全部都覺得勁有心思，我第一次見有富士山嘅紙巾座，超級靚，另外要一讚師傅真係好細心好認真，見到佢就算係擺食用花嘅擺設，都會精挑細選最靚嗰朵～食物方面有幾樣嘢，我覺得超級正：淡雪toro夠肥美，因為淡雪而有d淡淡嘅米味而烏魚子加左d鹹香味令到成個味覺更加提升！磯煮鮑魚用左兩日浸煮所以甜味特別入味，口感都彈口，所以齋食已經好好味，但係加埋個鮑魚乾醬就更加有層次感深海池魚有碳香味，上面有miso漬，呢個組合雖然喺其他壽司店有食過，但係整體嚟講，覺得呢件其實都幾難忘右口魚邊雖然本身好重油份但加埋蔥同炒香左嘅櫻花蝦即刻冇咁油膩北海道赤馬糞海膽冇諗過喺夏天都可以食到，而且咁新鮮又鮮甜，呢啲真係可遇不可求，有錢都未必買到，所以喺呢度食到，覺得特別開心