魚一壽司 (教育路)

營業中

休息中

魚一係元朗好耐，以為成日要等位，又以為佢哋地方細，所以一直都係平台叫外賣，疫情其間，只少幫襯左6次以上。2024 元旦， 一心想親自到店仲幫襯支持下，早一日係GULU book 定位。元旦當日，我同朋友仲早到了15分鐘，一講book 了位，個男仔即叫「上樓上呀」樓上原來都幾多位，7成滿座。而我地個座位係角落，都幾窄， 當日有兩張大枱， 房間又細，所以都幾嘈。叫左兩個午餐，再叫左啲壽司食，問題出現啦，叫左天婦羅烏冬餐，但天婦羅同個烏冬，相差40分鐘以上。 即係我用餐完左，天婦羅都凍哂，朋友個烏冬先到。最後發現，個餐有沙律既，問個女仔沙律未到， 佢應左句我睇睇，但沙律都係冇出現過。總結嚟講， 啲野係好好食，但員工好明顯係黑面，唔知點解。魚一老闆，真係要諗下點解叫元朗人嚟支持，但服務係甘。