影片
更多
2016-11-22
447 瀏覽
早前天朗氣清...一早起身就搭車入西貢...lunch打算食久違的車仔麵...「西貢松記車仔麵」早一兩年食過...印象中味道OK...一般人會係「福民路」嘅正門入去...但因為店前有一級...輪椅使用者入唔到...加上驚阻街+食環突擊...所以老闆唔敢喺店外擺枱...都明白嘅...唯有改由「敬民街」入....行前多少少...食店係右手邊...呢一級相對矮好多...手推/電動輪椅使用者比較容易應付...入到去再搵老闆娘...佢就會安排食店外唯一一張枱比我吔坐...一般食客怕熱會選擇入店內坐...所以呢張室外長枱唔需要等好耐就坐低...不過呢張枱亦有缺點...就係放腳位置有一級...因為咁而會頂住輪椅嘅前轆...令到輪椅使用者唔能夠完全泊埋枱食嘢...咁唯有自己坐出少少...就一就張枱...坐呢個位可以望到廚師埋頭苦幹煮麵...非常忙碌...呢間食店嘅老闆娘爽快又好人到不得了...因為其中一位同行煮係老人家...老闆娘特意換咗一張有背椅...好等老人家唔會失重心又坐得安心...大家都愛食香口嘢...先order一碟炸魚皮（$18）好食...好夠脆！滷水豬大腸牛筋腩（$35）+ 冬菇（$10
lunch打算食久違的車仔麵...
「西貢松記車仔麵」早一兩年食過...印象中味道OK...一般人會係「福民路」嘅正門入去...但因為店前有一級...輪椅使用者入唔到...加上驚阻街+食環突擊...所以老闆唔敢喺店外擺枱...都明白嘅...唯有改由「敬民街」入....行前多少少...
食店係右手邊...呢一級相對矮好多...手推/電動輪椅使用者比較容易應付...入到去再搵老闆娘...佢就會安排食店外唯一一張枱比我吔坐...
一般食客怕熱會選擇入店內坐...所以呢張室外長枱唔需要等好耐就坐低...不過呢張枱亦有缺點...就係放腳位置有一級...因為咁而會頂住輪椅嘅前轆...令到輪椅使用者唔能夠完全泊埋枱食嘢...咁唯有自己坐出少少...就一就張枱...
坐呢個位可以望到廚師埋頭苦幹煮麵...非常忙碌...呢間食店嘅老闆娘爽快又好人到不得了...因為其中一位同行煮係老人家...老闆娘特意換咗一張有背椅...好等老人家唔會失重心又坐得安心...
大家都愛食香口嘢...先order一碟炸魚皮（$18）好食...好夠脆！
滷水豬大腸牛筋腩（$35）+ 冬菇（$10）好入味...唔錯咁啦...
雞翼（ ＄10 )、豆卜（ 6分）、泰式魚餅（＄9 ) 呢碗要咗油麵，加咗辣椒油...湯頭一般般...唔夠味...最好食係雞翼...
魚蛋（ ＄6 )、蘿蔔（ ＄7 )、豬皮（ ＄7 )呢碗要咗粗麵...麵質太硬...而且好大碗...食唔哂...而且餸料味道一般....
飲品2杯（唔記得幾錢）....不過不失咁啦...總消費：$183
如果味道唔改善..未必會再食...因為價錢一d都唔平～
張貼
