香港蘇浙滬同鄉會

營業中

休息中

呢間嘢成日都聽，但係都唔係有機會可以入到去食。 朋友專登帶我哋去試試菜， 我哋有兩個都係食肉嘅一位食齋嘅， 最容易考多間餐廳並不能夠平衡葷素都咁好味。朋友好鍾意食小碟，所以呢係叫咗好多唔同嘅小食畀佢哋試， 有啲用豆做嘅糕啦， 佢個薰蛋係最欣賞嘅。之後就到食肉啦， 佢個蒸龍躉球真係好正， 又新鮮又夠鮮味而且啖啖肉， 我好少食豆腐都食埋佢墊底嘅豆腐。 佢嘅炒蝦仁仲有加埋四粒用菠菜打成既蝦丸，正到爆。至於食齋嘅朋友間，餐廳竟然用人手將粒豆粒逐粒粒出嚟炒， 好食到不得了。 不過就嫌個小籠包冇汁，唔係咁開心。當然臨尾加返個高力豆沙同埋炸湯圓，就真係飽到上心口，真係好多謝呢位朋友請食飯。