膠得喜 (已結業)

佐敦一向多餐廳，而且多小店，OpenRice睇中呢間，一來我鍾意食花膠，二來呢間好評都幾多，結果係非常失望本身想食椒鹽豬扒飯，佢話冇， OK咁我揀一字骨，之後個阿姐冇問我飲乜直接走咗。轉頭佢拎咗碗湯黎，咁我就以為升級左做湯所以冇嘢飲食到中途，有新客入咗嚟，個客問阿姐係咪有湯又有嘢飲，佢話係😑😑😑😑😑😑😑😑我問阿姐咁點解你唔問我，佢話諗住等我飲完湯先問我飲乜😑😑😑😑😑😑😑呢句說話非常唔合理，點解你expect我飲完湯先飲嘢？我唔可以飲完嘢先最後飲湯？而且我揀凍檸茶係要加$4 ，佢之後要再打過張新單俾我，「出完張單先再問嘢飲，然後再打張新單」有邊間餐廳會咁做？其實本身好小事，你講句唔好意思問漏咗就得，但你仲喺度死撐，講咩諗住等我飲完湯先問，實在荒謬我落單時，全場就只有另一位已經就快食完嘅客，所以唔存在忙中有錯呢樣嘢，呀姐你想博大霧定發緊夢？講返食物，客觀地講，唔好食，花膠算大，但我鍾意食腍身嗰種，而佢係比較偏硬偏乾，啲一字骨份量OK，拆骨都好易，但好鞋，舊舊都好鞋，而且我覺得同花膠唔夾無論食物同服務都唔滿意，呢間冇下次！