Pokka Cafe (荃灣千色匯II)

營業中

休息中

上年去過呢間一次，服務係正常水平，同元朗分店一樣。前幾日去開荃灣，又幫襯下，點知啲服務急劇下降。最大問題係叫唔到人落單、斟水、埋單⋯坐低冇耐就聽到有客人大叫「寫野唔該！」心諗唔使嗌掛😂點知到我地想叫野，舉手係冇用，侍應唔會望⋯如是者都過左幾分鐘，我覺得係特登扮睇唔到⋯見到佢地係黑口黑面見做少啲咁款，有個似係經理既係度扮忙，搞下水吧碟糖果之類，就係死都唔望客人，真係哭笑不得😂埋單又係喇⋯侍應講左「轉頭攞張單比你」，之後冇左回事。我想再叫過埋單又係冇人⋯跟住襯佢收銀處即衝過去埋單😂二人午餐400幾蚊，食出茶餐廳服務質素，都幾大鑊。食物方面同其他分店一樣，幾好既，份量少就預咗。