薈軒 (已結業)

今日上午11:30左右，帶住奶奶上去飲茶兼等老公放飯上嚟食，去到見到有親戚熟人喺度食緊，本諗住坐隔離枱可以傾吓偈，點知有個短髮女經理話張枱午市多客坐用，一句「唔好意思」、「唔該」禮貌句子都無，就將我哋枱面已洗好嘅茶杯及碗搬去第二張枱，點知原來嗰張枱係比佢自己啲熟客坐，我同奶奶即刻火都嚟坐都唔坐就走！男女經理啲咁趕客嘅服務態度，仲有邊個會想嚟幫襯丫！