翡翠拉麵小籠包 (已搬遷) 新店位置

唔知是否因為做街坊生意，服務員的態度真係嘛嘛，唔單止笑容欠奉，語氣態度差，上菜時'拍'一聲將食物從後放上枱，真有驚嚇! 雖然知道醉豬手係冷盤，但是不應該冷到好似剛從雪櫃攞出來咁，d豬手雖然已經斬咗件，但是我們要合力用筷子一齊撬，先可以將一舊舊嘅豬手分開。No good ! 菜肉雲吞湯拉麵，麵煮得時間太長，麵嘅質地太淋，冇哂口感，應該作出改善。北京水餃和椒鹽小黃魚就不過不失。但是水餃上枱時，服務員唔出聲突然間從後擺上枱，而且仲要'拍'一聲。嘩，咁都得!? 咁樣食物很容易會不小心地倒在我身上，而家真係好難揾到間咁樣上菜嘅餐廳喇。