影片
更多
2024-06-15
745 瀏覽
臨近父親節，父親話想食上海菜，所以就上網搵到呢間「零負評」既隱世餐廳去開餐啦，點知搞到我要出佢第一個負評。野食唔難食既，不過其中有啲偏鹹，上海菜都偏重口味的。上菜速度奇快！未食完第一碟已經上左8成餸，有效率唔係唔好，但你一次過上曬黎，連張大枱都放唔曬，食物未食得切又放到凍曬☹️小籠包，皮薄餡靚，有湯汁響入面。松子鱸魚，酸酸甜甜，鱸魚好大份。蒜泥白肉，勁鹹…….😰薑蔥生蠔，呢個好食，香蒜同生蠔好夾。虎皮尖椒炒牛肉，偏鹹。咸肉白菜，ok土匪炒腰花，冇評價，（本人唔食腰花）家鄉炒飯,一般，好濕既炒飯。上海粗炒，味道幾好，不過粗炒d麵好碎，要夾好多注。香辣魚皮，麻麻辣辣，魚皮夠爽。🦟時不時有小飛蟲飛過，衛生一般。😕好嘈，係咁有落單提示聲，好滋擾。😒但服務態度真係好麻麻，我地都唔該前唔該後，都有禮貌嘅，食到最後想上蛋糕，請店員幫忙收拾桌面，冇端端黑面，收完又冇輕輕抹下枱，好重手咁放低蛋糕碟就即刻走左。之後想佢地幫手影大合照，明明見到我揮手都扮見唔到，繼續扮執野，我地好無奈🙄到我老公再叫多一次，先走過黎幫手影相。到比錢果時，我擰轉頭想埋單，個女店員（冇戴眼鏡果個）一秒都冇就「隊」張單比我眼前，多謝都
野食唔難食既，不過其中有啲偏鹹，上海菜都偏重口味的。上菜速度奇快！未食完第一碟已經上左8成餸，有效率唔係唔好，但你一次過上曬黎，連張大枱都放唔曬，食物未食得切又放到凍曬☹️
小籠包，皮薄餡靚，有湯汁響入面。
松子鱸魚，酸酸甜甜，鱸魚好大份。
蒜泥白肉，勁鹹…….😰薑蔥生蠔，呢個好食，香蒜同生蠔好夾。
虎皮尖椒炒牛肉，偏鹹。
咸肉白菜，ok
土匪炒腰花，冇評價，（本人唔食腰花）
家鄉炒飯,一般，好濕既炒飯。
上海粗炒，味道幾好，不過粗炒d麵好碎，要夾好多注。
香辣魚皮，麻麻辣辣，魚皮夠爽。
🦟時不時有小飛蟲飛過，衛生一般。
😕好嘈，係咁有落單提示聲，好滋擾。
😒但服務態度真係好麻麻，我地都唔該前唔該後，都有禮貌嘅，食到最後想上蛋糕，請店員幫忙收拾桌面，冇端端黑面，收完又冇輕輕抹下枱，好重手咁放低蛋糕碟就即刻走左。
之後想佢地幫手影大合照，明明見到我揮手都扮見唔到，繼續扮執野，我地好無奈🙄到我老公再叫多一次，先走過黎幫手影相。
到比錢果時，我擰轉頭想埋單，個女店員（冇戴眼鏡果個）一秒都冇就「隊」張單比我眼前，多謝都唔講句，我諗住碌卡，佢好掘咁講：「呢度收現金」，真係火都黎，講野唔駛咁既態度呀？我地黎開開心心食飯，比你搞衰曬個心情。
野食偏重口味，價錢係街坊價，服務態度欠奉，我唔知佢「零負評」係點黎，但我知佢呢個負評係員工服務態度差而咁得返黎！以後都唔再去食。
張貼
