影片
更多
2011-04-17
268 瀏覽
朋友來港, 近近地係MK搵間酒家食晚飯貪呢度"就腳", 咪選定呢間酒家食晚飯我好少寫差既食評, 但係我真係覺得呢度的服務態度好有問題, 我唔知道OPENRICE會唔會登出黎, 但係我以下講的都是實話實說, 我係唔會作出任何修改! 如果唔係有朋友係度, 費事掃興, 我係會即場出聲!欠佳的服務, 由訂位開始訂位:打電話改時間和人數: OPENRICE SHOW 出黎個電話應該係他們在MK那裡的總機, 打去的時候第一位女子接聽電話態度語氣不好, 我話要改人數和時間, 佢就問我改D乜, 講完之後, 佢問我邊間舖, 我咪話呢間囉, 然後那名女子便說"等等丫" , 我想指出係呢位女子講的態度是有D"發悔氣"和不耐煩的態度, TRANFER 條線連 "請等等"都不會講嗎? 此其一冇禮貌的地方 ! 但是我想說TRANFER LINE 去第二位女子的時候, 第二名接聽電話女子的態度不錯, 我指RECEPTION MANNER 差的是第一位的那名女子開位 (我不在現場, 但是我相信長輩沒誇大)門口接待員也有問題, 因為去接朋友, 長輩先去酒家見不到人, 做RECEPTION的女子不停問長輩有冇去錯地方,
貪呢度"就腳", 咪選定呢間酒家食晚飯
我好少寫差既食評, 但係我真係覺得呢度的服務態度好有問題, 我唔知道OPENRICE會唔會登出黎, 但係我以下講的都是實話實說, 我係唔會作出任何修改! 如果唔係有朋友係度, 費事掃興, 我係會即場出聲!
欠佳的服務, 由訂位開始
訂位:
打電話改時間和人數: OPENRICE SHOW 出黎個電話應該係他們在MK那裡的總機, 打去的時候第一位女子接聽電話態度語氣不好, 我話要改人數和時間, 佢就問我改D乜, 講完之後, 佢問我邊間舖, 我咪話呢間囉, 然後那名女子便說"等等丫" , 我想指出係呢位女子講的態度是有D"發悔氣"和不耐煩的態度, TRANFER 條線連 "請等等"都不會講嗎? 此其一冇禮貌的地方 ! 但是我想說TRANFER LINE 去第二位女子的時候, 第二名接聽電話女子的態度不錯, 我指RECEPTION MANNER 差的是第一位的那名女子
開位 (我不在現場, 但是我相信長輩沒誇大)
門口接待員也有問題, 因為去接朋友, 長輩先去酒家見不到人, 做RECEPTION的女子不停問長輩有冇去錯地方, 又話冇我地個BOOKING? 在門口呆等5 MINUTES , 長輩終於打到電話俾我 (因為在街外聽不到), 我咪叫長輩再同佢CONFIRM講留位的名, 人數和時間, 跟住那位RECEPTIONIST又話有我個BOOKING 喎, 先至放人入去開位, 但現場所見, 不是全場滿座 (起碼到我完飯起身走, 都係有吉枱), 點解呢位 做RECEPTION的女子成日問人有冇去錯地方 ? 又唔看清楚BOOKING? 要人再CONFIRM 人數先放人入去開位? 識唔識做生意呀? 應該問下人大約有幾多位, 幾多點, 留咩名, 就算唔放人入去, 咪CHECK 下個BOOKING 先囉, 理都唔理人, 想點? 完全係趕客態度
點菜
(1) 朋友想食火鍋,開左張食火鍋的枱, 但長輩想食小菜, 見枱只有點火鍋配料的order紙, 咪問待應攞小菜的menu, 佢係度擺杯杯碟碟的時候, 第一次問佢要menu冇反應, 咁咪再問佢第二次囉, 個位待應先用冇乜禮貌的態度講"等等 ! 我一陣間就會攞俾你", 感覺上佢係接收到我第一次問佢攞小菜menu 的要求. 你冇反應咁人地問第二次囉, 但係咁既語氣回應顧客, 呢個又係乜野服務態度?
(2) 與朋友研究點火鍋配料的order紙的時候, 待應就走黎講" 你地可唔可以點火鍋湯底先?" , 完全冇解釋點解要我地要先點火鍋湯底? 我地做客唔趕時間, 你地做待應急D乜? 冇解釋, 又唔係限時間, 正價收費, 又係逐碟計錢, 你催乜野?
食飯期間
(1) 全場只有我地一枱係食火鍋, 個煲有一邊個手抦係冇左既, 咁大間酒家只得一個爛的火鍋煲俾客用? 做待應見到咁, 係廚房見到咁, 都唔應該拎出黎俾個客啦, 好差!
(2) 叫左個片皮鴨, 食物OK, 但待應片皮技術其差 (有D好大塊, 有D就細細塊), 我之前去過呢間酒家的另,一間舖食過, 我覺得咁地切出黎的皮少左1/3, 有偷工減料的成份
(3) 枱有生的火鍋配料, 出小菜的時候, 待應係放左碟小菜放係中間 (旁邊係放滿生肉), 有冇常識呀? 生熟食物一齊放? 個待應應該係幫客擺好枱面D餸, 然後同客講生熟食物分開D擺, 完全冇呢D SENSE, 同埋去食火鍋都會有張小枱放係旁邊等客放下煲蓋, 荼壺等等, 我地冇囉
(4) 朋友想要杯暖水, 待應一句劈埋黎話冇暖水, 只得熱水? 但係我地飲汽水有問佢攞D 冰喎, 就算冇暖水, 識唔識話冇暖水, 但係係熱水加冰得唔得 ? 係待應個腦唔識轉, 定係唔想做?
(5) 我地唔係貪佢地D糖水, 飯後生果, 但係我地6人都食左HKD900? 都唔算平丫, 以前我地LOCAL人 食晚飯, 都有人問我地要唔要食糖水? 唔知係唔係我地個晚同我朋支不停講國語, 當我地係陸客? 服務真係很差
唔知道呢間酒家D人會唔會看食評, 其實呢到D 野食係唔差, 整小菜的師傅煮得好吃, 但係我覺得服務真要改善一下囉, 如果唔想做火鍋既, 咪出聲話唔做火鍋生意囉, 駛唔駛又俾爛煲, 又要趕人落單? 就算其他野好吃, 如此服務態度, 整衰個人, 點可以KEEP 到熟客~
張貼