Double K Kitchen

營業中

休息中

今日一行4人約5點半經過見門外下午茶餐牌吸引，見店內又唔滿，入內一試。店員見我們坐下後給QR code揀野食，但無提到每人有最低消費要求，亦唔見有餐牌同其他告示有提呢個要求，亦無提到我哋要幾時交枱或者喺last order(因為下午茶時段快在6點完)。誰不知叫咗3個餐後等待嘅時間，有店員過來先話要每人有最低消費，如果唔係跟餐飲品收正價，或者要叫多杯正價飲品。但在最初點餐時店員完全無提。既然已經叫咗嘢食，我地唯有叫多杯嘢飲以符合店方嘅要求。後來等到D嘢食嚟晒都接近成6點，無幾耐個伙記話如果6點半前唔埋單就要收正價無下午茶餐價。其實咁嘅情況，店方理應一早提醒客人下午茶時段快完的做法,等客人決定是否光顧。好似今次得半個鐘時間就完下午茶時段，我哋叫完嘢食送到嚟都差不多6點，得半個鐘比客人用餐，之前又唔提醒客人過時收正價的做法，店方待客態度甚有問題。