影片
更多
2012-04-22
8 瀏覽
一代日式料理 中午去食放題都只係$88+1我地覺得好似幾抵 於是 琴日中午我同6-7位朋友去食放題一代既刺身好抵 三文魚 魷魚 都好正 切片切得唔錯佢既炸天婦羅都唔錯 好鮮甜 牛肉同雞柳燒走黎都幾好食而且佢既炸番薯味道都唔錯 而且都好大塊而小丸子味道亦值得一試但刺身中除左三文魚同魷魚 其他都唔係好好食 好腥好臭鰻魚手卷就真係唔多抵 得一條放住響中間咁 有些微寒酸而佢既秋刀魚淨係得煎 連條切痕都無 食得比較辛苦而果個一口芝士涼左小小就變硬哂 味道一般般有個炸香蕉 我覺得太甜 我本身都鐘意食甜野 但佢依俊真係甜到有小小想吐返出黎只係每張枱淨係得一個葉型小爐 令我地燒熟食既速度比較慢本來覺得一代都唔錯 但後來就真係好唔鐘意一代佢地不停漏單 我地等左超過20分鐘 於是我地催促佢地去跟返單結果有個女侍應生同我地講 下 你地枱面咁多 重有漏單？如果佢只係抱怨下我地都無咩所謂 偏偏佢重要企響原地 好似我地要俾個合理既理由同佢解釋咁我當場答左佢句 係喎 你地真係漏單喎之後佢就好唔情願咁走開左後來個葉型爐因為我地燒左好多野食 痴哂啲焦咪叫佢地黎幫我地換囉 結果佢地一臉晦氣咁 心不甘情不願咁換大佬 你唔想
一代日式料理 中午去食放題都只係$88+1
我地覺得好似幾抵 於是 琴日中午我同6-7位朋友去食放題
一代既刺身好抵 三文魚 魷魚 都好正 切片切得唔錯
佢既炸天婦羅都唔錯 好鮮甜 牛肉同雞柳燒走黎都幾好食
而且佢既炸番薯味道都唔錯 而且都好大塊
而小丸子味道亦值得一試
但刺身中除左三文魚同魷魚 其他都唔係好好食 好腥好臭
鰻魚手卷就真係唔多抵 得一條放住響中間咁 有些微寒酸
而佢既秋刀魚淨係得煎 連條切痕都無 食得比較辛苦
而果個一口芝士涼左小小就變硬哂 味道一般般
有個炸香蕉 我覺得太甜 我本身都鐘意食甜野 但佢依俊真係甜到有小小想吐返出黎
只係每張枱淨係得一個葉型小爐 令我地燒熟食既速度比較慢
本來覺得一代都唔錯 但後來就真係好唔鐘意一代
佢地不停漏單 我地等左超過20分鐘 於是我地催促佢地去跟返單
結果有個女侍應生同我地講 下 你地枱面咁多 重有漏單？
如果佢只係抱怨下我地都無咩所謂 偏偏佢重要企響原地 好似我地要俾個合理既理由同佢解釋咁
我當場答左佢句 係喎 你地真係漏單喎
之後佢就好唔情願咁走開左
後來個葉型爐因為我地燒左好多野食 痴哂啲焦
咪叫佢地黎幫我地換囉 結果佢地一臉晦氣咁 心不甘情不願咁換
大佬 你唔想做既咪唔好做囉 洗唔洗俾面色個客睇先
我黎依度係消費 係享受 我重要受你氣啊?
如果就咁依件事 我都唔算太嬲
我地叫左好多野食 即使大家都食飽重有1-2碟響枱面 我地無諗過 唔清哂佢!
我既意思係 我地都未食完野 個女侍應生無啦啦行過黎同我地講 如果食唔哂既話 我地要收費返架喎
咁我地就咁喔左一聲啦 佢就行開左 之後我地繼續同食物博殺啦
我地食得唔快 其他既客人都走哂 得返我地個枱慢慢努力
佢地無啦啦就話要收錢 之後又催我地走喎 因為佢地要趕住落場
收錢個條數 又唔見佢數我地食剩幾多加左上去喎
咁姐係話 個女侍應大我地食唔哂要收錢
我真係第一次去一間食店客人會俾侍應威脅恐嚇架囉
之後我地食飽飽都癈時留底受佢地氣先走左!
張貼