大戶屋

營業中

休息中

本身訂左位 接待嗰位女士話 我三位要齊入座 咁我咪企喺門口 點知隔左一分鐘有另一位客人五位未齊人佢比佢入座話可食到8點 我就覺得怪 於是上前問點解我唔可以入座呢 佢答我 我地本身兩位改三位 所以要齊人先入得 跟住佢話 你而家要入都冇所謂 但食到6:45 咁我話ok而家入 之後佢勁大聲同啲同事講 如果佢真係兩位 我會掉佢枱 嗰下我忍住冇講粗口鬧佢 我同朋友講左事發經過決定唔喺喱間垃圾服務餐廳食飯 我成世人未試過去一間餐廳啲人嘅態度咁差 就算去大排檔茶餐廳都唔會咁衰 極度唔鼓勵任何人再去大戶屋食飯 幾好食都冇用